111

夏天為大地帶來美腿,講梗嘅係《 3日2夜 》一班女主持嘅美腿啊!無綫新一季《 3日2夜 》又嚟啦,大台早前就安排咗一班主持舉行記者會,當中包括陳婉衡(Alycia)、朱智賢(Ashley)、張曦雯(Kelly)、鄺潔楹(Judy)、同埋周佩婷(Angel)及鄭衍峰等。一班女主持着住泳裝大玩水上活動,各位男士準備幫雙眼消消暑啦!《 3日2夜 》過去令唔少女藝人人氣急升,今次呢四位樣靚身材正嘅靚女亦唔例外,你最想同邊個瘋狂玩水呢?

 

新一輯節目將會由8月5日起逢星期六晚上8:30播出,打頭陣嘅係「打機女神」張曦雯!Kelly上一季帶大家去咗馬爾代夫睇海龜,而今次佢將會帶大家去到毛里裘斯大玩深潛同浮潛等水上活動!佢接受訪問時話節目中佢會同獅子漫步,導演更安排咗佢同毛里裘斯男伴共進晚餐添!今次拍節目有艷遇,Kelly自己都笑稱導演好益佢!

 

 3日2夜

 

身材Fit爆嘅Kelly話為拍攝準備咗5,6套泳衣,仲有着住三點式玩水上活動,佢對自己嘅身材好有信心,話絕對無特別加墊㗎!

 3日2夜

 

節目另一重點就係「無綫波神」陳婉衡(Alycia)啦!Alycia又要向各位男觀眾派福利啦!上一季佢就喺鏡頭前半裸上身做Spa,唔知今輯會唔會再玩激啲呢?Alycia今次被派往西班牙嘅巴塞隆拿!佢表示有去到天體沙灘,不過今次就因為怕醜而冇膽試,但佢話可能遲吓會喺無人嘅地方試下。睇嚟今次男觀眾要失望而回啦!

 3日2夜

 

 

啱啱講到Kelly喺毛理求斯有艷遇,身材同樣Fit爆嘅Alycia有冇收穫先?佢接受訪問時就讚西班牙人好熱情,當日喺沙灘都識咗好多朋友,有當地人,亦有其他國家嚟旅遊嘅人,佢都有同人交換咗Instagram!佢仲大讚西班牙男士身材Fit!


Alycia表示巴塞隆拿有好靚嘅陽光與海灘,佢喺當地都曬咗好多日太陽,唔怪得返嚟一身健康膚色啦!

 

鄺潔楹Judy雖然着得比較密實,但就以一身雪白肌膚成功搶鏡!佢今次被派往日本北海道,仲足足去咗半個月,佢話期間入面浸咗五個溫泉,換咗五款泳衣,男士聽到呢度係咪已經好興奮呢?可惜Judy表示有4套其實係披住毛巾嘅,男士睇嚟要落足眼力啦!喺節目入面,Judy仲會同男主持Leonard一齊浸男女混浴,佢表示呢種體驗好特別,因為除了男朋友,佢唔會同阻生人共浴喎!


唔知係咪浸溫泉浸到皮膚又白又滑?

 

 

朱智賢(Ashley)記者會當日同Alycia一齊大玩水上遊戲,仲玩到忘哂形,最後抱埋一齊跌埋入水。Ashley話自己性格夠哂男仔頭,同Alycia熟先會玩得咁癲喎!

 3日2夜

 

 

將會去到韓國首爾拍攝嘅Ashley話已經準備咗成四五套泳衣,到涉會嘗試玩划紙船過漢江,佢仲爆料話今次會拍佢做spa嘅鏡頭。各位男士,美背出沒注意!

 3日2夜

Ashley喺記者會當日着咗小背心短褲大Show長腿!

 

《  3日2夜  》四大女神逐個睇

1.陳婉衡 Alycia

有無綫波神之稱嘅Alycia擁有36E好身材,經常以性感打扮出現喺大台節目,有佢嘅出現就必定有巴打捧場。其實Alycia參選過2012年度香港小姐競選,因為樣貌酷似歌手泳兒,當時被封為「翻版泳兒」。

大家經常將焦點放喺佢驕人嘅身材上,其實Alycia多才多藝,動靜皆宜,古箏、國畫、 社交舞、遠足、瑜伽,樣樣皆精!

 

 

Alycia得閒都會做下Gym,經常喺IG大騷馬甲線!

 

 

Alycia拍攝《Go! Yama Girl》開始為人熟悉。其實佢私底下都經常行山,當然都不忘曬下靚靚身材,打打卡!

 

 

夏日炎炎,當然要曬下美腿,派福利俾各位男粉絲!

 

 

半裸上身靚相,唔知邊個幫手影?

 

 

背面都一樣有睇頭!

2.朱智賢(Ashley)

朱智賢同樣係港姐出身,唔同嘅係佢參選咗兩次。因為佢2012年報名時無緣初賽,2013年再次報名參加,終於成功入圍!咁有堅持係值得加許嘅!

原來Ashley入行前曾經做過空姐,參選港姐後入行,主要係報導娛樂新聞,直至接拍《3日兩夜》喺鏡頭前一展32C靚身材,方引起大眾關注。

 

 

第二輯《3日2夜》去到台中拍攝嘅Ashley連換多套三點式泳衣享受各式溫泉,除咗谷盡C級上圍,仲大晒馬甲線同纖腰,身材玲瓏有致,睇到觀眾眼定定!

 

 

 

 

身高1.72嘅Ashley着起長裙特別有氣質!

 

 

 

除咗自己靚相,Ashley同樣好鐘意Post小動物相,好有愛心㗎!

3. 張曦雯(Kelly)

Kelly為人熟悉嘅除了樣靚身材正,仲有佢嘅貼地性格!因為一條直播打機片段而突然爆紅嘅Kelly唔止素顏戴眼鏡,重講哂粗口兼表情多多,零偶像包袱嘅佢火速成為巴打新「打機女神」,大讚佢係貼地女神啊!

 

 

 

唔少人都知Kelly其實係冠軍級人馬,佢參選2012年國際中華小姐奪冠後入行,為人熟悉嘅節目有《Pearl Tonight》,一句ABC Style嘅「歡迎收睇Pearl Tonight!」,係咪睇字都有聲呢?Kelly日前為唇膏品牌拍攝廣告照,一身Deep V黑裙加上性感紅唇,盡顯女人味!

 

 

Kelly都有喺Instagram Post拍攝時嘅靚相,順便宣傳下節目!

 

 

4 .鄺潔楹(Judy)

四位當中比較生面口嘅相信係Judy。只有25歲嘅Judy畢業於西雅圖大學,返嚟香港之後正式成為模特兒,拍過唔少廣告!佢喺上年先正式加入TVB,擔任娛樂新聞台主播,其後拍攝上一輯《3日2夜》,因為甜美樣子同埋豐滿身材而備受注目。

 

 

 

 

 

每次Post泳衣相都會有人留言講笑話Judy「派軍糧」。

 

 

唔好睇佢樣子斯文甜美,衣著都一樣可以好狂野性感!

 

 

做運動都不忘曬吓身材!

 

 

單身嘅佢話鍾意外向嘅男仔,而且要有上進心,知道自己目標。男士們聽到未?