16tomf1211016_600

呢排如果大家行經觀塘海濱,就會發現多咗一條石屎大水管,原來呢個就係由本地建築師羅發禮 James 所設計嘅模組化居所「水管屋」(OPOd)!

話說本地建築師羅發禮有一次就經過一個地盤,就發現有好多混凝土管被廢棄,於是就突發奇想,設計出OPOd比年青人居住解決土地不足問題。OPod由兩組直徑 2.5 米嘅混凝土水管改建而成,實用面積 100 平方呎,適合 1 至 2 人居住。

一條混凝土水管售價只需幾萬元,加上內部裝修,一間 OPOd 的造價大約只需 10 至 12 萬元,加上有生產速度快的優點,若果大量投入生產,最快可於一至兩星期內完成。

OPOd 實用面積只有 100 平方呎,一眼睇晒,但設備齊全,有齊梳化床、雪櫃、微波爐、冷氣,亦有獨立浴室及坐廁。

項目暫時仍處於概念階段,但 James 表示,希望日後可以大量建成,利用天橋底等閒置空間擺放大量 OPOd 並加入智能門鎖,以共享房屋方式收取基本月租 2000 元,另再加收 1000 元。額外的費用會用作儲畜或投資用途,租約期滿時將會退還予租客,幫助年青人儲錢。

呢個概念聽落就好似好好,不過就引來城中唔少爭議,其中藝人鄭中基更加係佢facebook度鬧爆:

52c0d45d-53c9-46f7-9ce7-a46eba6abebe

小編:生產成本10至12萬,不過係香港呢個咩都可以炒嘅社會,又點會比你10萬上車咁輕鬆吖。比2000蚊訓天橋底儲錢,我諗我未儲到錢個肺已經生cancer…………..