20180110001805

20180110001805

中國有一位男子自從大學畢業之後就入咗間IT公司做工程師,佢聲稱工作非常忙碌,仲要成日OT,所以10年黎只係洗過幾次腳。結果有一次,女朋友搵佢做「「魚療足浴」」,點知當佢一放隻腳入去,個池入面嘅魚竟然全部死曬,老闆都比佢嚇一嚇。

根據《中國報》報導,當事人王生自從做咗工程師之後,平時工作太忙,而且成日要OT,但佢已經成35歲,令到父母非常擔心佢婚姻大事,於是就托人介紹女朋友比佢識,而且開始交往。

今年元旦,王生難得有假放,諗住同女朋友出街,點知女友提出同佢去「魚療足俗」,結果王生係不情不願既情況下都係去。王先佢偷偷地換鞋,再快速將對腳浸係水度。老闆見差唔多夠鐘,準備同佢收錢果時,發現個池嘅魚竟然全部死曬,而且池水仲傳黎一陣惡臭,睇到老闆眼都凸埋。

20080216162857

老闆初頭以為王生有心毒死啲魚,要求佢賠錢,雙方爭持不下,王生終於同老闆講出佢對腳其實十年都無咩點洗過。老闆聽完之後都唔係好敢相信,但最後都唔洗佢賠,仲同佢講「就衝著你這股毅力給你免費了!」而且更好嘅係,王先生嘅女朋友無提出分手,但就希望佢改下呢個壞習慣。

小編:十年磨一劍,凡事都係努力先有成果,王生努力十年,終於比佢練成呢門絕世武功。而老闆都係一個識英雄重英雄嘅人,眼見王生身懷絕學都唔再為難佢。不過,為咗終身幸福,王生你都係乖乖地洗腳吧啦!

截圖來源:電影《賭神2》