wtff-2

https://www.facebook.com/lam25281/videos/10159748218890526/

係大約今日中午三點左右,網友Lam Ming將影片放上facebook群組香港突發事故報料區。內容係一個港媽同港鐵職員理論,係影片中內容根據港媽所講,佢照顧嘅特殊小朋友因為唔小心踢到一名老人家,而係踢到之後,港媽已經同果位老人家多次道歉,但老人家唔領情不特止,而且仲打咗個小朋友一下,之後上車不顧而去。港媽除左對老人家呢種「大蝦細」行為覺得憤怒之外,係影片中亦都可以睇到佢對港鐵職員嘅處事手法相當不滿,因為港鐵職員以「無權阻住人搭車」為理由無阻到個老人家上車。片主就希望有唔同路經既途人可以提供返資訊幫呢位媽媽討回公道。影片至今引網民瘋傳同熱烈討論。

小編:影片無影到當時雙方衝突既情況,事情來龍去脈目前都仲係無從得知。不過呢位媽媽係影片當中所講嘅野唔多唔少都反映到呢代青少年既心聲,例如佢係影片1:00果度對住港鐵職員話:「公義唔係咁樣架!唔係年紀大就可以為所欲為。」係近年港鐵讓座文化極端盛行之下,唔少青少年因為唔讓座而被公審批鬥。「關愛座」更加係一大導火線,青年人們,呢位媽媽所講嘅野,又會唔會反映到你地嘅心聲?